香港文匯報訊（記者 梁靜儀）黃百鳴與陳欣健在昨(16日）晚播出的無綫節目《友乜唔講得》擔任嘉賓，本集先以「夜蒲」打開話題，原來主持之一的江欣燕(欣欣)與黃百鳴曾經一起蒲過。當時還教欣欣調製冇咁易醉的「生命之水」。
百鳴哥更即場自揭「生命之水」名字的由來，原來百鳴哥曾因生命之水「四個字」，與百萬獎金擦身而過。他說：「嗰時亞視有個《百萬富翁》慈善節目版，章子怡都有參加。我編咗同章小蕙一組，原來佢好聰明，答啲問題大家好啱Key；但去到差唔多最後，問伏特加又叫咩，當時我睇中『生命之水』呢個答案，但去到呢度大家意見唔一致，我哋就決定棄權，攞走幾十萬算，結果答案真係生命之水。」
欣欣又大爆百鳴哥對於自己一手發掘的「開心少女組」十分好，還會派零用錢給她們用：「我有帶佢哋去台灣宣傳，因為夜晚我要應酬片商，一定係飲酒，我唔想佢哋去，就畀低啲零用錢佢哋，叫佢哋喺酒店叫room service，我後來一睇張單，咁貴嘅？原來班友又龍蝦又香檳，我喺酒店我都係食碗牛肉麵架咋。」
百鳴哥又澄清甄子丹接拍《葉問》並非一億港元片酬咁簡單：「嗰一億唔係港幣，係人民幣！」百鳴哥更笑言雖然子丹片酬咁貴，但最後他仍然有賺。另外，有指《家有囍事》其中一名演員索取天價片酬，對此百鳴哥大方回應是周星馳，並大爆他的片酬「犀利過張國榮」：「其實嗰時係逼住要用，因為要開喇但冇人，咁啱有個upcoming嘅，都唔諗喇，畀錢埋位啦！（片酬）係800萬，但我記得嗰時佢最多收人哋200萬。可能佢想推啦，點知我又肯畀，佢咪要做咯。」百鳴哥又大爆星爺角色前身分別是樂壇及影壇舉重輕重的人物。
至於陳欣健（Philip），原來同樣與欣欣甚有淵緣，事緣Philip當年在華星任高層時，欣欣是其遇到第一位公司女歌手主動要求「唔好再畀嘢佢做」，相當爆笑。
Philip還大爆在華星遇到的另外兩大大事件，當中一件是他上任後，有人要求他炒許志安、梁漢文及鄭秀文，Philip在節目中將大爆三人當年被炒原因，當中以安仔的原因最搞笑，竟然與key太高有關。但後來Philip因有感三人唱歌很不錯，故決定留下人才，之後更為三人打造了《纏綿遊戲》、《喜歡你是你》、《叮噹》及《娃娃看天下》等經典。
